நெல்லை: கொலை முயற்சி வழக்கு குற்றவாளிகள் 2 பேருக்கு 1 ஆண்டு சிறை

1 min read

Nellai: 2 accused in attempted murder case sentenced to 1 year in prison

3.4.2025
நெல்லை மாவட்டம், வி.கே.புரம் அருகே கோடாரங்குளம், வடக்கு தெருவை சேர்ந்த சுப்பிரமணியன் மகன் மாரியப்பன் (வயது 37) என்பவருக்கும் கோடாரங்குளம், பிள்ளையார் கோவில் தெருவை சேர்ந்த சுடலைமுத்து மகன் சங்கர்(எ) உலகநாதன் (வயது 30) என்பவருக்கும் இடையே சொத்து பிரச்சனை காரணமாக தகராறு ஏற்பட்டு முன்விரோதம் இருந்து வந்துள்ளது.

இதனை மனதில் வைத்து கொண்டு 2021 ஜூன் 25-ம் தேதியன்று மாரியப்பன் தனது வீட்டின் முன்பு நின்று கொண்டிருந்தபோது, அங்கு வந்த சங்கர்(எ) உலகநாதன், சுந்தர் மகன் பூதப்பாண்டி (வயது 58), ராசு மகன் வினோத் (வயது 29), முருகன் மகன் ஆனந்த் (வயது 28), சுடலைமுத்து மகன் ராம்குமார் (வயது 32) ஆகியோர் சேர்ந்து மாரியப்பனிடம் தகராறில் ஈடுபட்டு அவரை அவதூறாக பேசி அரிவாளால் தாக்கி ரத்தக்காயம் ஏற்படுத்திச் சென்றனர்.